साउन १५ नेपाल ।
जिल्ला प्रशासन कार्यालय धनुषाले आज बिहान ८ बजेदेखि जनकपुर उपमहानगरपालिका भित्र कर्फ्यु आदेश जारी गरेपछि धनुषा जिल्ला अदालतले आफ्ना सम्पूर्ण कामकाज स्थगित गरेको छ।
धनुषा जिल्ला अदालत, प्रशासन शाखाले २०८३।०४।१५ गते सार्वजनिक सूचना जारी गर्दै जिल्ला प्रशासनको कर्फ्यु आदेशलाई मध्यनजर गर्दै आजको लागि अदालतबाट हुने सम्पूर्ण काम कार्वाही अर्को आदेश नभएसम्मका लागि स्थगित गरिएको जनाएको छ।
सूचनाका मुख्य बुँदाहरू:
१. सम्पूर्ण कामकाज स्थगित
आज मिति २०८३।०४।१५ गते धनुषा जिल्ला अदालतबाट हुने सबै प्रकारका काम कार्वाही स्थगित रहने।
२. म्याद र तारेखमा सहजता
आज अदालतमा म्याद तारेखमा उपस्थित हुनु पर्ने व्यक्तिहरूको हकमा आजको दिनलाई शून्य समय मानिने छ।
३. हदम्याद नगुज्रने
आजको दिनका लागि मुद्दा तथा निवेदनहरूमा रहेको हदम्याद, म्याद र तारेख नगुज्रने ब्यहोरा पनि अदालतले स्पष्ट पारेको छ।
यो सूचना धनुषा जिल्ला अदालतका शाखा अधिकृत जितेन्द्र कुमार पाण्डेयले जारी गरेका हुन्।
कर्फ्यु खुलेपछि अदालतको कामकाज कहिलेदेखि सुचारु हुन्छ भन्ने बारेमा पछि जानकारी गराइने अदालतले जनाएको छ।
