साउन १५ नेपाल ।
कुवेतको उत्तरी क्षेत्रमा भएको ड्रोन आक्रमणमा परी कुवेतमा सवारी चालकको रूपमा कार्यरत तेह्रथुम जिल्लाका सोम कुमार तामाङ (४४ वर्ष) को दुःखद निधन भएको छ।
कुवेतस्थित नेपाली राजदूतावासले २०८३ साउन १५ गते सार्वजनिक सूचना जारी गर्दै २०२६ जुलाई ३० मा भएको घटनामा तामाङको निधन भएको पुष्टि गरेको हो। यो जानकारी कुवेतको परराष्ट्र मन्त्रालयबाट आधिकारिक रूपमा प्राप्त भएको राजदूतावासले जनाएको छ।
राजदूतावासको धारणा र पहल:
नेपाली राजदूतावास, कुवेतले तामाङको निधनप्रति गहिरो दुःख व्यक्त गर्दै दिवंगत आत्माको चिर शान्तिको कामना गरेको छ र शोकसन्तप्त परिवारप्रति हार्दिक समवेदना व्यक्त गरेको छ।
दूतावासले स्व. तामाङको पार्थिव शरीर यथाशीघ्र स्वदेश फिर्ता पठाउने लगायतका आवश्यक सम्पूर्ण कार्य सम्बन्धित निकायसँगको समन्वयमा सम्पन्न गर्ने प्रतिबद्धता पनि जनाएको छ।
कुवेतमा रहेका नेपालीलाई सतर्कता अपनाउन आग्रह
यसैबीच राजदूतावासले संवेदनशील परिस्थितिलाई मध्यनजर गर्दै कुवेतमा रहेका सम्पूर्ण नेपाली नागरिकहरूलाई कुवेत सरकारद्वारा जारी गरिएको सुरक्षा सम्बन्धी सम्पूर्ण मापदण्डहरू पूर्ण रूपमा पालना गरी संयमित भएर सुरक्षित स्थानमा रहन हार्दिक अनुरोध गरेको छ।
यो घटनापछि कुवेतमा कार्यरत नेपालीहरूको सुरक्षाप्रति चिन्ता बढेको छ।
