असार २२ नेपाल । त्रिभुवन विश्वविद्यालय, नेपाल ल क्याम्पसले स्नातकोत्तर तह एलएल.एम प्रथम सेमेस्टर (दिवा तथा बिहानी) समूहको सेमेस्टर अन्त्य परीक्षाको तालिका र फारम भर्ने मिति सार्वजनिक गरेको छ।
क्याम्पसले आज सूचना जारी गर्दै कानुन संकाय डीनको कार्यालयको मिति २०८३/०३/१९ को सूचनालाई आधार मानेर परीक्षा कार्यक्रम अघि बढाइएको जनाएको छ।
कहिले हुँदैछ परीक्षा ?
जारी सूचनाअनुसार एलएल.एम प्रथम सेमेस्टरको अन्तिम परीक्षा २०८३ साल असार १ गतेदेखि असार २७ गतेसम्म सञ्चालन हुनेछ। परीक्षा दिवा र बिहानी दुवै समूहको लागि हुनेछ।
परीक्षा फारम भर्ने मिति र शुल्क कति ?
विद्यार्थीहरूले तोकिएको मितिमा परीक्षा फारम बुझाउनुपर्नेछ।
• नियमित मिति: २०८३/०३/२ देखि २०८३/०३/२९ गतेसम्म
• दोबर दस्तुर सहित: २०८३/०३/३० देखि २०८३/०३/३२ गतेसम्म
शुल्क:
• नियमित तर्फ ४ सेमेस्टर समूह: रु. १५,००
• पूर्ण शुल्क तर्फ ६ सेमेस्टर समूह: रु. २६,०
• आंशिक तर्फका परीक्षार्थी: रु. १,० प्रति विषय
आंशिक परीक्षार्थीले फारमसँगै अघिल्लो पटकको अनुत्तीर्ण भएको लब्धाङ्क पत्रको प्रतिलिपि पनि बुझाउनुपर्नेछ।
फारम कहाँबाट पाइन्छ रकम कहाँ बुझाउने ?
परीक्षा फारम कानुन केन्द्रीय विभागबाट पाइने र त्यहीँ बुझाउनुपर्नेछ।
रकम जम्मा गर्नका लागि २ वटा बैंक खाता तोकिएको छ:
1. एन.आइ.सी. एशिया बैंक लि. – खाता नं: ४९०६२९४२४०५ ६ सेमेस्टर समूहको लागि
2. नेपाल बैंक लि. – खाता नं: २७०९०९२४७२००९ ४ सेमेस्टर समूहको लागि
केही महत्त्वपूर्ण कुरा
क्याम्पसले तोकिएको समयभित्र फारम नबुझाउने विद्यार्थीलाई परीक्षामा सामेल नगराइने स्पष्ट पारेको छ। साथै, कुनै विद्यार्थीको सम्बन्धित सेमेस्टरमा भर्ना हुन बाँकी भएमा पहिले भर्ना गरेर मात्र फारम बुझाउनुपर्नेछ।
परीक्षाको विस्तृत तालिका क्याम्पसको सूचना पाटी र त्रि.वि. कानुन संकाय डीनको कार्यालयको वेबसाइटमा हेर्न सकिनेछ।
थप जानकारीका लागि क्याम्पसको फोन नं: ०१-५३८६५७८, ०१-५३२५३५८ मा सम्पर्क गर्न सकिन्छ।
