असार २२ नेपाल । आज नेपाली सेयर बजारमा गिरावट देखिएको छ। आजको कारोबारसँगै बजार रातो अंकमा बन्द भएको छ।
नेपाल स्टक एक्सचेन्जका अनुसार आज नेप्से परिसूचक २६.२९ अंकले घटेर २,६२७.११ बिन्दुमा कायम भएको छ। यो अघिल्लो दिनको तुलनामा ०.९ प्रतिशतको गिरावट हो।
आज बजार खुलेदेखि नै घट्ने क्रममा रहेको थियो। कारोबारको सुरुवाती घण्टामा केही उतारचढाव देखिए पनि मध्यान्हपछि बिक्रीको चाप बढेसँगै परिसूचक ओरालो लागेको थियो।
आजको कारोबारमा ३ अर्ब ५ करोड ७९ लाख ८१ हजार रुपैयाँ बराबरको सेयर किनबेच भएको छ। कुल ७५ लाख ४० हजार ४१८ कित्ता सेयर कारोबार भएको छ।
विश्लेषकका अनुसार आज बैंकिङ र बीमा समूहमा बिक्रीको चाप बढेका कारण समग्र बजार ओरालो लागेको हो। लगानीकर्ताहरूले मुनाफा बुकिङ गरेका कारण बजारमा दबाब परेको अनुमान गरिएको छ।
