असार २४, नेपाल।
नेपाल कानून व्यवसायी परिषद्ले आफ्नो आधिकारिक प्रकाशन छपाईका लागि छापाखानाहरुसँग कोटेशन माग गरेको छ।
परिषद्ले आज प्रकाशित गरेको सूचनामा “नेपाल कानून व्यवसायी परिषद् बुलेटिन पूर्णाङ्क २८” र “दोस्रो पञ्चवर्षीय रणनीतिक योजना” को पुस्तक न्यूनतम दर रेटमा गुणस्तरीय तवरले छपाई गर्न इच्छुक फर्म/छापाखाना माग गरिएको हो।
के-के छाप्नुपर्ने?
सूचना अनुसार दुईवटा पुस्तक छपाई गर्नुपर्नेछ:
१. बुलेटिन पूर्णाङ्क २८
◦ संख्या: ५०० प्रति
◦ पृष्ठ: करिब २०० पृष्ठ + लामिनेशन कभर
◦ साइज: १७ x २४ से.मि.
◦ कागज: Weightless Paper
◦ कभर: ४ कलर, 250gm
२. दोस्रो पञ्चवर्षीय रणनीतिक योजना
◦ संख्या: ५० प्रति
◦ पृष्ठ: करिब ९५ पृष्ठ + लामिनेशन कभर
◦ साइज: १७ x २४ से.मि.
◦ कागज: Glossy Paper 150 gm
◦ कभर: ४ कलर, 250gm
के कुरा ध्यान दिनुपर्छ?
परिषद्का सचिव श्रीराम खनालद्वारा हस्ताक्षरित सूचनामा इच्छुक छापाखानाले यो सूचना प्रकाशित भएको मितिले १० दिनभित्र मूल्य अभिवृद्धि करमा दर्ता र छापाखानाको नवीकरण प्रमाणपत्रको प्रतिलिपि सहित कोटेशन दर्ता गर्नुपर्ने उल्लेख छ।
नोटमा भनिएको छ, “न्यूनतम दररेट भएको कोटेशन स्वीकृत हुनेछ” र “नमूना बमोजिम छपाई नगरेमा परिषद् भुक्तानी दिन बाध्य हुने छैन।”
कोटेशन स्वीकृत गर्ने वा नगर्ने सम्पूर्ण अधिकार परिषद्मा रहने पनि सूचनामा उल्लेख छ।
