साउन ११ नेपाल ।
नवलपुरमा ९.०५ मेगावाटको सुपर चेपे जलविद्युत आयोजना निर्माण गरिरहेको रिज लाइन इनर्जी लिमिटेड को संस्थापक तर्फको सामूहिक लगानी कोषको नाममा रहेको ४७ हजार १०० कित्ता सेयरको लक-इन अवधि आउँदो २०८३ भदौ १३ गते सकिने भएको छ।
कम्पनीले नेपाल धितोपत्र बोर्ड, नेपाल स्टक एक्सचेन्ज लिमिटेड, सिडिएस एण्ड क्लियरिङ्ग लिमिटेड र प्रभु क्यापिटल लिमिटेडलाई २०८३ साउन ११ गते पत्राचार गर्दै उक्त जानकारी गराएको हो।
पत्रमा उल्लेख भए अनुसार नेपाल धितोपत्र बोर्डको २०८०/०७/२० को निर्देशन बमोजिम सामूहिक लगानी कोषले खरिद गरेको सेयर बाँडफाँड भएको मितिले ६ महिनाको लक-इन अवधि २०८३ भदौ १३ गते सकिनेछ। सो पश्चात उक्त सेयर कारोबारका लागि खुला हुनेछ।
लक-इन के हो ?
प्रारम्भिक सार्वजनिक निष्कासन मार्फत बाँडफाँड भएको सेयरलाई निश्चित अवधिसम्म बेचबिखन गर्न नपाइने व्यवस्थालाई लक-इन भनिन्छ। यो अवधि सकिएपछि सेयरधनीले आफूसँग रहेको सेयर दोस्रो बजारमा विक्री गर्न पाउँछन्।
कति सेयर खुल्दैछ ?
कम्पनीले पठाएको विवरण अनुसार सामूहिक लगानी कोषको स्वामित्वमा रहेको कुल ४७,१०० कित्ता सेयरको लक-इन अवधि समाप्त हुँदैछ।
कम्पनीले यस सम्बन्धी सार्वजनिक सूचना २०८३ भदौ १२ गते प्रकाशन गर्ने जनाएको छ। उक्त पत्रमा कम्पनी सचिव रोशन पौडेलको हस्ताक्षर रहेको छ।
रिज लाइन इनर्जीले नवलपुर जिल्लामा रहेको सुपर चेपे जलविद्युत आयोजनाबाट विद्युत उत्पादन गर्दै आएको छ।
