धनुषा क्षेत्र नं २ को (२) मा जनता समाजवादी पार्टी नेपालका रामआशिष यादव दोस्रोपटक निर्वाचित हुनुभएको छ । नेपाल पत्रकार महासङ्घ धनुषा शाखाका पूर्वअध्यक्ष रहनुभएका यादव १० हजार छ सय १४ मत ल्याएर निर्वाचित हुनुभयो भने उहाँका निकटतम् प्रतिद्वन्द्वी माओवादी केन्द्रका श्यामकुमार यादवले नौ हजार पाँच सय ६६ मत ल्याउनुभएको छ । यस्तै नेकपा (एमाले)का सञ्जीवकुमार सुरजले नौ हजार दुई सय चार मत पाउनुभयो ।