दाङ २ (२) मा नेपाली कांग्रेसका उम्मेदवार प्रचण्डविक्रम न्यौपाने (गुन्टु) विजयी हुनुभएको छ । मङ्सिर ४ गते सम्पन्न प्रतिनिधिसभा तथा प्रदेशसभा निर्वाचनको आज बिहान सम्पन्न प्रदेशसभा (२)को मतगणनामा सत्ता गठबन्धनतर्फका उम्मेदवार न्यौपानेले १७ हजार आठ सय २२ मत प्राप्त गरी विजयी हुनुभएको निर्वाचन अधिकृत कृपासुर कार्कीले जानकारी दिनुभयो । यस्तै नेकपा (एमाले)का उम्मेदवार गिरीराज केसीले १६ हजार छ सय ९९ र राष्ट्रिय प्रजातन्त्र पार्टीका उम्मेदवार उमाकान्त भण्डारीले तीन हजार तीन सय ८६ मत प्राप्त गर्नुभएको छ । तुलसिपुर उपमहानगर पालिका– १६, १७, १८, १९ र घोराही उपमहानगरपालिकाका– ६, ७, ८, ९, १०, ११, १२, १६ सो क्षेत्रमा पर्दछ । उक्त क्षेत्रमा ४२ हजार तीन सय ६४ मत खसेको थियो