असार ३२ नेपाल ।
सूर्यकुण्ड हाइड्रो इलेक्ट्रिक लिमिटेडले सामूहिक लगानी कोषहरुलाई बाँडफाँड गरिएको ३४ हजार ४ सय ८४ कित्ता शेयरको लक-इन अवधि सकिएको जानकारी दिएको छ।
कम्पनीले २०८३ असार ३२ गते नेपाल धितोपत्र बोर्ड, नेप्से, सिडिएससी र विद्युत नियमन आयोगलाई पत्र पठाउँदै सो जानकारी गराएको हो।
के छ पत्रमा ?
१. लक-इन सकियो: कम्पनीको सर्वसाधारणमा निष्काशन भएको शेयरमध्ये आयोजना प्रभावित क्षेत्रका स्थानीयलाई बाँडफाँड गरी बाँकी रहेको ६,९६,५७४ कित्तामध्ये ५% अर्थात ३४,४८४ कित्ता शेयर सामूहिक लगानी कोषहरुलाई बाँडफाँड गरिएको थियो। त्यो शेयरको ६ महिने लक-इन अवधि २०८३ साउन ०४ गते सकिएको कम्पनीले जनाएको छ।
२. ३२७ कित्ता बिक्री खुला: उक्त ३४,४८४ कित्तामध्ये ३२७ कित्ता शेयर सिटिजन्स म्युचुअल फण्ड २ लाई बाँडफाँड गरिएको थियो। सो फण्डको समयावधि २०८३ असार २१ मा सकिएकाले सेबोनको निर्देशन अनुसार अब त्यो शेयर बिक्री वितरण तथा हस्तान्तरण गर्न बाधा नहुने कम्पनीले जनाएको छ। यसबारे कम्पनीले सिडिएससीलाई पनि पत्राचार गरिसकेको छ।
कम्पनीका सचिव सिद्धार्थ शर्माले हस्ताक्षर गरेको पत्रमा यो जानकारी २०८३ असार ३२ को सौर्य दैनिकमा पनि प्रकाशित गरिएको उल्लेख छ।
यससँगै अब सामूहिक लगानी कोषका नाममा रहेको सूर्यकुण्ड हाइड्रोको उक्त शेयर बजारमा कारोबारका लागि खुला हुनेछ।
– हेमन्त खबर
