अन्य वर्षको तुलनामा केही वर्षयता लमजुङमा सुन्तला उत्पादन घटेपछि किसानहरु निराश भएका छन् । सुन्तलाको उत्पादन मात्रै नभएर सुन्तला बगैँचामा पनि कमी आएको छ । सुन्तला किसानहरुले व्यापारीसँग राम्रो मूल्यमा सुन्तला बिक्री गर्दै आएकामा केही वर्षयतादेखि सुन्तला उत्पादनमा कमी आएपछि किसानहरु निराश भएका हुन् । साबिकको कृषि विकास कार्यालयमा पकेट क्षेत्रमा सूचीकृत गरिएको बेँसीसहर नगरपालिका–११ चिती स्याउत गाउँमा अहिले सुन्तला बगैँचा मात्र देख्न सकिन्छ । कुनै समय सबैभन्दा बढी सुन्तला उत्पादन तथा बिक्री गरेर आम्दानी स्थानीय किसान भगवतीले पहिला–पहिला सुन्तला बिक्रीबाट वार्षिक छ लाखदेखि आठ लाख रुपैयाँसम्म आम्दानी गर्नुहुन्थ्यो । तर केही वर्षदेखि उहाँको भने बगैँचामा कीरा लाग्ने र बोट सुक्दै जाने गरेकाले यस वर्ष ४०÷५० हजार रुपैयाँ मात्रै आम्दानी भएको बताउनुहुन्छ । त्यस्तै, स्याउत गाउँकै रमेशराज पन्तको व्यथा पनि उस्तै छ । विसं. २०३५ बाट सुन्तला खेति सुरु गर्नुभएको उहाँले विगतमा २७ रोपनीमा सुन्तला खेती गर्नुभएको छ । उहाँले वार्षिक तीन÷पाँच लाख रुपैयाँ सजिलै आम्दानी गर्दै आउनुभएको थियो । तर २०६२ वैशाख ८ गते ठूलो असिनापानीले नौ सय बोट मर्नाका साथै अन्य बोटहरुमा पनि रोग लाग्न थालेपछि उत्पादन घटेको बताउनुहुन्छ ।रासस