पश्चिमी देशहरू रुसलाई नष्ट र विभाजन गर्न खोजिरहेका छन्- भिक्टर बाउट

अमेरिकी बास्केटबल स्टार ब्रिटनी ग्रिनरसँग कैदी साटासाटमा रिहा भएका रुसी हतियार व्यापारी भिक्टर बाउटले शुक्रबार क्रेमलिन सञ्चालित सञ्चारमाध्यमलाई अन्तर्वार्ता दिदै पश्चिमी देशहरूले रुसलाई नष्ट र विभाजन गर्न खोजिरहेको बताएका छन् । “पश्चिमाको विश्वास छ कि उनीहरूले हामीलाई सन् १९९० मा समाप्त गर्न सकेनन् जति वेला सोभियत संघ विघटन हुँदै थियो तर अहिले उनीहरू हामीलाई विभाजन गरेर नष्ट गर्न सकिन्छ कि भनेर लागेका छन्” बाउटले भने।